EMOCIONÁNDONOS
Ao longo dos meses de xaneiro e febreiro nos Bos Días Cole estivemos tratando as emocións. Das actividades que fixemos destacamos " Dados e Historias " e " Os Rincóns das Emocións" . Na primeira tivemos que elaborar toda unha serie de marionetas, un dado con emocións e outro con situacións para inventar diversas historias nas que falar da tristeza, alegría, asco... Por outra banda cos rincóns cada neno/a fixo un debuxo que representase unha situación da súa vida, a cal lle producise unha determinada emoción. Todo isto deunos pé a facer múltiples asambleas e charlar moito entre nós. Ademais tamén levamos de viaxe a "Manchiñas" por diferentes casas a vivir emocionantes aventuras. Por outra banda, tamén festexamos o día da Paz e, por suposto, o Entroido, cun photocall no que os nenos e nenas o pasaron en grande cos accesorios feitos por eles mesmos.
